Баянхонгор аймгийн Байгаль орчин, аялал жуулчлалын салбарын нээлттэй хаалганы өдөр өнөөдөр тусгаар тогтнолын баганат талбай дээр зохион байгуулагдлаа. Энэхүү нээлттэй хаалганы өдрийн хүрээнд Баянхонгор аймагт салбарын чиглэлээр үйл ажиллагаа явуулж байгаа төрийн зургаан байгууллага оролцлоо. Үүнд: Аймгийн Засаг даргын Тамгын газрын Хөрөнгө оруулалт хөгжлийн бодлого төлөвлөлтийн хэлтэс, БОАЖГ, Гадаад харилцаа, аялал жуулчлалын алба, ИББЦГХЗ, БЦОНСГЗ, УЦУОША, Ойн анги гэсэн байгууллагууд үйл ажиллагаагаа сурталчиллаа. Энэ удаагийн нээлттэй хаалганы онцлог нь монгол улсад ойн салбар, нэгж үүсэж хөгжсөний 95 жилийн ой, аялал жуулчлалын салбар үүсэж хөгжсөний 65 жилийн ой, Дэлхийн аялал жуулчлалын өдөр, “Хоггүй цэвэр монгол аян” зэрэг арга хэмжээнүүдийн хүрээнд зохион байгуулагдаж байгаагаараа онцлог болно.
Д.Содномсамдан
