төрөл хэлбэрийг хөгжүүлэх давуу талыг бий болгосон. Иймээс Монгол оронд байгаль, түүхийн аялал хийхээр ирсэн жуулчид нь зөвхөн Баянхонгор аймгаар аялахад л Монголын байгалийн гурван өөр бүс, нүүдэлчдийн амьдралын гурван өөр хэв шинж, соёл, өвөрмөц онцлогыг үзэж сонирхох ховорхон боломжийг олно. Баянхонгор аймгаас өөр хаана ч давтагдашгүй, аялал жуулчлалын онц сонирхолтой үнэ цэнтэй нөөцүүд “Говь-хангайн цэнхэр орон” хэмээн алдаршсан Хонгор нутагт л бий.