Монголын нууц товчоонд ”Тэндээс Чингэс хаан Ван хан хоёрыг буцаж явахад Найманы Хадгалдагч Хөгсэү Сабраг ”Заг-Байдрагийн бэлчирт” цэрэг засаж тулалдахаар зэхэж байсан ажгуу. Чингэс хаан Ван хан хоёр хатгалдъя хэмээн цэрэг засаж хүрч (ирээд) орой боллоо маргааш хадгалдъя хэмээн зэрэгцэн хонов. Тэгээд Ван хан буйран дээрээ гал түлж орхиод шөнө Хар сүүл (голын нэр) өөд хөтлөн явжээ” гэж бичсэн байдаг. Хожим түүхийн энэ дурсгалт газарт Манжийн Энх- Амгалан хааны 25 дугаар оны (1686 он) улаан бар жилийн намар Халх долоон хошууны хаад, ноёд, төрийн зүтгэлтнүүд цугларч Улсын Их Хуралдайг хуралдуулан Монгол улсын хувь заяатай холбоотой амин чухал асуудлуудыг хэлэлцэж байсан түүхтэй.
