Баянхонгор аймгийн төвд байрлалтай д.т.д 1890 м өргөгдсөн. Баянхонгор сумын ард иргэдийн шүтээн уул. Баянхонгор аймаг нь 1961 онд Галуут сумаас нүүн ирж Улаан үзүүр буюу Хөх толгойн өвөрт Эрдэнэцогт, Баян-Овоо, Өлзийт сумдын зааг нутагт төвлөрчээ. Өдгөө Баянхонгор аймгийн төв нь Хөх толгой /Эрдэнэмандал/ хайрханаа хүрээлсэн барилга байгууламж, гэр хороолол, ард иргэдийнхээ тав тухтай орчин бүрдүүлсэн, өдрөөс өдөрт өнгө үзэмжээ нэмэгдүүлэн хөгжиж байгаа сайхан хот болсоор байна. Эрдэнэмандал хайрханыг 2005 онд аймгийн тусгай хамгалалтад авсан. Аймгийн ерөнхий төлөвлөгөөнд тусгагдсаны дагуу “Эрдэнэмандал” хайрханыг 2014 онд аялал жуулчлалын бүс болгон тохижуулсан. Дээрх ажлын хүрээнд 4 амрах хэсэг бүхий 3м өргөн 30 см зузаантай, 20-30 см өндөр хашлагатай 370 м шат 108 гэрэлтүүлэгтэй.
